«Հովարդ Կարագյոզյան» ԲԲՀԿ աշխատակազմի թիմային միջոցառումը

Կարևորելով թիմային աշխատանքը և աշխատակիցների շփումը միմյանց հետ՝ «Հովարդ Կարագյոզյան» ԲԲՀԿ ընդհանուր Ժողովի քարտուղար Իրինա Լազարյանի նախաձեռնությամբ կազմակերպվեց հետաքրքիր միջոցառում:  

Միջոցառմանը ներկա էին Հայաստանյան «Հովարդ Կարագյոզյան» ԲԲՀԿ չորս կենտրոնների (Երևան, Գյումրի, Վանաձոր, Գորիս) աշխատակիցները, ինչպես նաև հրավիրված հյուրեր՝ Լիբանանի  Կարագյոզյան Միության տնօրեն Սերոբ Օհանյանը և տնօրենի օգնական Քրիստինե Սիմիդյանը:  

Միջոցառման շրջանակներում, 2024թ. հունիսի 02-ին Կազմակերպության ողջ անձնակազմը այցելեց Ծիծեռնակաբերդի հուշահամալիր, որտեղ որպես խորին հարգանքի տուրք, ծաղիկներ և ծաղկեպսակ դրեց հայոց ցեղասպանության զոհերի հիշատակին և հնչեցրեց Տերունական աղոթք:  

Այնուհետև թիմը ուղևորվեց Գյումրի, որտեղ նրանց ջերմորեն հյուրընկալեցին Գյումրու Կարագյոզյան կենտրոնի գործընկերները:     

Սա սպասված և ցանկալի հանդիպում-միջոցառում էր: Թիմակիցները հնարավորություն ունեցան ծանոթանալ Գյումրու կենտրոնի նորակառույց և արդիական շենքին:   

Հաջորդիվ այցելություն էր Գյումրու տեսարժան վայրեր:   

Օրն ամփոփվեց աշխատակիցների հյուրասիրությամբ, տոնախմբությամբ, երգ ու պարով:  

Միջոցառման վերջում Սերոբ Օհանեանը, Կարագյոզյան ողջ անձնակազմի անունից, խորին երախտիքի խոսք ուղղեց Խորհրդի քարտուղար Իրինա Լազարյանին՝ արժևորելով «Հովարդ Կարագյոզյան» Բարեգործական Հիմնադրամում նրա տասամյա գործունեությունը:   

Միջոցառումն անմոռանալի պահերի խտացված պատկեր էր: 

Թիմակիցները բարձր տրամադրությամբ և ոգևորությամբ վերադարձան շարունակելու իրականացնել «Հովարդ Կարագյոզյան» Կազմակերպության առաքելությունը՝ հավատարիմ մնալով նրա կարգախոսին՝ ԱՌԱՋՆԱՅԻՆԸ ԵՐԵԽԱՆԵՐՆ ԵՆ: